Kralendijk - Dia 8 di sèptèmber 2027 Maduro & Curiel’s Bank Bonaire ta kumpli 65 aña. Direktor General di MCB, Leonard Domacasse a anunsiá ku nan ke selebr’é huntu ku hinter komunidat di Boneiru. MCB semper tabata i ta un partner den desaroyo di Boneiru. Pa e selebrashon “Rumbo pa 65” i e aniversario mes, a skohe pa e lema “Ayera, Awe i Pa Semper”.

Ayera MCB a pone e fundeshi, komo e promé Banko komersial di Boneiru. Awe, huntu ku komunidat di Boneiru, ta konstruyendo Boneiru su futuro i manera Semper i pa Semper, den tempu bon i menos bon, MCB tey komo fiel partner pa un desaroyo balansá i bienestar di nos isla. MCB a lanta un komishon organisadó formá pa diferente kolega, ku a prepará un tremendo programa ekstenso pa e selebrashon “Rumbo pa 65”, pa huntu kana yega e aniversario dia 8 di sèptèmber 2027.

MCB ta ranka sali djadumingu 13 di sèptèmber ku un Santo Sakrifisio di misa na Rincon. A skohe pa Rincon paso Rincon ta un luga históriko pa Boneiru, fundá na 1527 i selebrando 500 aña den 2027. Di e forma aki, Banko ta honra e historia i tradishon riku di nos isla.

Durante e periodo di selebrashon aki nos lo kolaborá ku diferente organisashon den nos komunidat, i ku e meta prinsipal pa kontribuí na temanan ku tin un impakto real den bida diario. MCB lo duna atenshon na salú i bienestar, pasobra un komunidat fuerte ta kuminsá ku hende saludabel pero tambe lo sostené aktividatnan di deporte, ku ta uni hende, stimulá disiplina i duna nos hubentut energia positivo.

Den e programa a inkluí tambe nos grandinan, e generashon ku a kontribuí asina tantu na e Boneiru ku nos konosé awe. Nan ta parti importante di nos historia i meresé nos atenshon, nos rèspèt i nos gratitut.

Kultura, nos idioma, nos tradishonnan, nos arte i nos identidat ta kosnan ku nos mester sigui protehá i pasa pa siguiente generashonnan, pesei nan tambe lo haña atenshon durante e selebrashon. Un Boneiru mas bèrdè, limpi, i sostenibel ta parti di e prgrama di selebrashon. Nos tin solamente un isla, i ta responsabilidat di nos tur pa kuida esaki pa nos yu i nietonan.

Direktor general señor Domacasse ta finalisá gradisiendo tur kolega, penshonado, persona òf entidat ku durante e trayektoria di 64 aña a aportá na krea e Banko di awe. Banko ta drentando un era nobo ku plannan eksitante pa futuro. Danki na nos klientenan pa nan konfiansa, i tur organisashon i partner ku lo traha huntu ku nos durante e selebrashon di 65 aña.

Durante e aña di selebrashon aki nos por kreá hopi momento bunita huntu, pero mas importante ainda: MCB ta spera di por laga atras un kontribushon balioso ku realmente tin balor agregá pa Boneiru.

Rumbo pa 65 aña di MCB Bonaire - Ayera, Awe i Pa Semper.

Kralendijk – On September 8, 2027, MCB Bonaire will celebrate its 65th anniversary. General Managing Director Leonard Domacasse announced that the bank wishes to celebrate this milestone together with the entire Bonaire community. MCB has always been a partner in the island’s development. For this reason, the theme chosen for the celebration is “Yesterday, Today and Forever”.

Yesterday, MCB laid the foundation as Bonaire’s first commercial bank. Today, together with the community, it is helping build the island’s future. Forever, MCB intends to remain a trusted partner through both good and challenging times, supporting balanced development and the well-being of Bonaire.

The celebrations will commence on September 13 with a Holy Mass in Rincon, a historic community that will celebrate its 500th anniversary in 2027. Throughout the anniversary period, MCB will collaborate with various organizations and support initiatives focused on health, well-being, sports, senior citizens, culture, language, traditions, arts, identity, and sustainability.

General Managing Director Leonard Domacasse concluded by thanking all employees, retirees, customers, partners, and organizations that have contributed to the bank’s growth and success over the past 64 years. Through this anniversary year, MCB hopes not only to create memorable moments but also to leave a meaningful and lasting contribution to Bonaire.

Road to 65 Years of MCB Bonaire – Yesterday, Today and Forever.

Kralendijk – Op 8 september 2027 viert MCB Bonaire haar 65-jarig bestaan. Volgens Algemeen Directeur Leonard Domacasse wil de bank deze mijlpaal samen met de volledige gemeenschap vieren. MCB is altijd een partner geweest in de ontwikkeling van Bonaire. Daarom werd voor het jubileum het thema “Gisteren, Vandaag en Voor Altijd” gekozen.

Gisteren legde MCB als eerste commerciële bank van Bonaire de basis. Vandaag bouwt de bank samen met de gemeenschap aan de toekomst van het eiland. Voor altijd wil MCB een trouwe partner blijven, in goede en minder goede tijden, voor een evenwichtige ontwikkeling en het welzijn van Bonaire.

De vieringen beginnen op 13 september met een heilige mis in Rincon, een historische plaats die in 2027 haar 500-jarig bestaan viert. Gedurende het jubileumjaar zal MCB samenwerken met diverse organisaties en projecten ondersteunen op het gebied van gezondheid, welzijn, sport, ouderen, cultuur, taal, tradities, kunst, identiteit en duurzaamheid.

Heer Domacasse, Algemeen Directeur, bedankte alle medewerkers, gepensioneerden, klanten, partners en organisaties die gedurende de afgelopen 64 jaar hebben bijgedragen aan de ontwikkeling van de bank. MCB hoopt tijdens het jubileumjaar niet alleen mooie herinneringen te creëren, maar vooral een blijvende en waardevolle bijdrage aan Bonaire te leveren.

Op weg naar 65 jaar MCB Bonaire – Gisteren, Vandaag en Voor Altijd.